Comentarios

1. Sobre o BNG do que falan “un vello amigo” e outros “Anonimos”.- Se eu fose unha persoa de esquerdas e militante do Bloque (hainos e eu coñezo alguns) estaria mais preocupado polo que fai o meu partido co poder e menos polo que blancolexitimo analiza. Un titular de LVG (acepto que lle da caña os nacionalistas: as causas non as sei. De ai a aceptar que o primeiro periodico de Galicia minte de seguido cando fala do BNG, hai un mundo) que dixese “Vicepresidencia convoca al filo de las elecciones una oposición a la medida de los contratados en sus galescolas y residencias”, ruborizariame. Que a CIG e CCOO denuncien ese nepotismo, tildandoo de “fraude”, e suficientemente significativo. A entrevista persoal pode supoñer un 30% da nota final e os que xa estan traballando teñen 10 puntos por servicios prestados. Simplemente impresentable. Como xa contei aquí formei parte da direccion da primeira coordinadora de licenciados en paro que houbo en Galicia. Daquela gobernaba Fraga e, ainda que se contrataba dun xeito similar, non se atrevian a transformar eses contratados en funcionarios (ou persoal laboral) con tanto desparpajo. ¿Cómo alguen pode declararse de esquerdas, partidario logo da igualdade de oportunidades, e apoiar algo tan escandaloso? Entre eso e andar dandolle comerotadas os vellos (como facia Fraga), ata chegar a banquetes de 5.000 mulleres en Silleda, chego a conclusión de que xa non me queda nada que debatir con vostedes. GALEUZCAT e a dereita nacionalista das tres comunidades historicas: BNG + PNV + CiU. A non ser que alguen pense que CiU e de esquerdas, ou que a estratexia politica pode dar licencia para que alguen que se coloca a esquerda do PSOE poda elaborar directrices politicas de accion comun coa dereita. O que fai o BNG en Galicia segue peldaño a peldaño o que a dereita catalana e vasca foi subindo para chegar o poder e instalarse nel. Entendo que levar o peso, con Nunca Mais, no acoso o goberno Fraga, para comprobar despois que se perdian diputados no Parlamento Galego e que o beneficiado era o PSOE, e duro de dixerir. Por eso agora non hai lugar para florituras: Unha mensaxe esquerdista e unha praxis estandar, homologable, de dereitas. Supoño que seguiran convencendo a alguns, pero ¡pordeus non pidan que os que reflexionamos algo sobre esas cuestions comulguemos con esas rodas de muiño! O que importa e a praxis, e sobre todo cando se goberna. Pretender que o discurso disfrace a realidade e unha mostra mais de que a etica (ou a moral) esta gardada baixo chave. O da imposición do galego os nenos menores de tres anos e unha mostra mais dese desprecio: Todos os informes que coñezo, e nos que sempre me basei para pedir unha educación en galego, decian que os nenos deberian escolarizarse na lingua materna para que a integración no entorno fose optima. Falaban do tempo que tarda un neno en sentirse seguro, da importancia que ten neso a lingua e do trascendente que era esa seguridade para medrar mentalmente como e debido. Para min non e xente de fiar a que desprecia esas cuestions buscando non se sabe moi ben que. Nunca un fin, por moi loable que poda ser, pode pasar por enriba dos dereitos que ten todo neno que nace en Galicia. So o sectarismo pode dar soporte a ese tipo de argumentacions. Claro que a discusion e inutil: vostedes din que o unico idioma de Galicia e o galego, e que os que maman en castelan estan de prestado. Con un fariseismo notable, Touriño e as Xuventudes Socialistas falan estes dias do tema, decindo que as galescolas teñen que integrarse en Educacion. Estamos en campaña electoral e saben que a inmensa mayoría da poboacion galega, incluidos moitos votantes do BNG, son contrarios a esa imposición. E o poder, e o que un esta desposto a facer por manterse nel (case todo, na miña opinión), o que fai que cando Orozco falaba atinadamente deste tema, nin Touriño nin as Xuventudes Socialistas dixesen nin mu. ¿Por qué estou contra o BNG nese tema? ¿De verdade compre explicalo? Se levando como levo 40 anos loitando pola lingua que mamei, ¿Cómo non vou ter dereito a criticar os que estan tirando abaixo o meu traballo, e de moitos outros, de tantos anos? Teño claro hai moito tempo que pouco me queda que facer: certas actitudes axudan a morte do galego a pesar dos millons de euros cos que se subvenciona a calquera que toque a gaita. Xa o decia, e o sigue mantendo, Xesus Alonso Montero, que supoño que tamen e un nacionalista español. E simple matematica: Se por cada rapaz que se instala no galego, tres se colocan en contra, o final e previsible. De partir da libertade linguistica, non terian argumentos os que se opoñen a que a lingua dunha parte importante dos galegos non teña os dereitos que lle corresponden. E evidente: Non se lle colle cariño a aquelo que se impon. Estano conseguindo vostedes: A xente pensa que o que non e nacionalista non pode ser galeguista. Un detalle: Fara mais ou menos 18 anos que os alumnos de 3º de BUP do Fco. Aguiar tiñan so unha materia en galego: Fisica e quimica. Despois dunhas votacions nas que lle fora moi ben o BNG, supoñian (e asi mo decian na clase) que eu estaria contento. Sonrinme diante da evidencia: pensaban que todo aquel que defendia o galego tiña que ser forzosamente nacionalista. Moi o contrario do que outros fan, e nestes ultimos tempos mais ainda, nunca dixen nin unha sola palabra que eu pensase poidese levar os meus alumnos por un camiño determinado no que a politica se refire. E mais, ainda que o pretendese so lles poderia decir que escoitasen todas as opinions (desconfiando dos que engolan a voz para predicar) e que a partir delas trazasen o seu propio camiño. Por rematar, que esto se esta alongando moito, critico o BNG porque interfire coa idea de Galicia que eu teño. O que sucede no PP interesame moito menos. Un sector dos populares esta, por suposto, moito mais cerca de vostedes ca min neste tema. “Vello amigo” e “Anonimos”, deberan irse acostumbrando a que, do mesmo xeito que a ningun afiliado o PNV se lle ocorre decir que e de esquerdas, vaiamos decindo que os militantes do BNG son de dereitas (tamen coñezo uns cantos). Porque andar aducindo que o Bloque e un bloque plural, e que alguns deles son de esquerdas, xa non cola. Protestar na prensa polo control das candidaturas e seguir mantendo o status quo resulta pouco creible. Un saudo. 2. Obscenidades Non atopo outra maneira de calificar o feito de que un concelleiro socialista, corresponsable de que o noso concello estea condenado a recortar gastos para facerlle frente o pago de 2.400.000 euros (400 millons de pesetas), cos que os xueces "premiaron" o seu mal uso das atribucions que os cidadans lles otorgamos, se atreva a falar na prensa de "superavit". Non so non se asumiron as responsabilidades politicas que era menester rendirlle o sitema democratico (señal de que non anda sobrao o pobre), senon que ninguen se presentou (a pesar de prometelo) diante dos cidadans para darlle explicacions e pedirlle disculpas polos 180 euros que cada betanceiro debe aportar. Agora manifestase que: " (la bancarrota) sirvieron de disculpa para negar subvenciones y ayudas a distintos colectivos y agrupaciones". Aparte do que teña que ver co PP e CxB, esta decindo o portavoz socialista que a analise das contas que fixo este Administrador (basadas en informes da Intervencion Municipal) son falsas e que, polo tanto, neste Outeiro hai un afan deliberado de manipular. Vello coma o mundo: tratar de que os demais carguen cos propios vicios. Un manipulador decindo que son outros os que fan propaganda. Desgraciadamente o portavoz socialista non ten razon e deberemos apretar o cinto para, entre todos, volver nivelar os balances. Veremolo sin tardar moito. Cousa distinta e a critica que se poda facer da xestion economica do actual goberno. Supoño que a maior parte dos betanceiros lle dan, a estas alturas, o nivel de importancia que lles corresponde a estas soflamas que todos os dias nos lanzan os socialistas locales desde a prensa. ¿Non seria mellor disculparse diante dos veciños en lugar de actuar coma se fosen uns recen chegados a politica? E nestes momentos nos que a un lle pide o corpo romper algunha das reglas deste pedregal e falar de cousas concretas e de personas concretas. Pero este outeiro empezaria a parecerme alleo. CODA: Acabome de acordar dun conto que escoitei hai tempo: Falaban dun colexio de Ferrol o primeiro dia lectivo despois da morte de Franco. Con ojeras que parecian socavons e certa resaca, entraban pola porta os que celebraran a morte do dictador e o probable fin da longa noite de pedra. Tamen estaban ali os que vestian traxe e corbata negra. Un dos traxeados ocupaba, nos tempos da conversa, un cargo importante na Diputacion da Coruña. E non representaba o PP.