Bon Nadal e Venturoso 2012

Quixera que todos os que se asoman por este pedregal en mancomún teñan unhas Festas nas que poidan abrazar con forza, contendo esa lagrimiña que se empeña en debuxar regos ma meixela, a todos os seus. Foi un ano duro para min, e como a xente nova está collendo a maleta como fixen eu xa fai cuarenta anos, non quixen evitar que dous dos meus, a de todos Rosalía e o Adriano de algúns, clavasen a súa aguillada de dor nas costas de todo galego. Deses galegos que son cidadáns libres dun mundo libre que sempre lles quedou pequeno. Deses galegos que sempre estivemos orgullosos de selo. E que quixeramos que a xente nova que son o noso proxecto de futuro, soupese cómo manter este rumbo á marxe dos predicadores de toda cor que o único que pretenden é xunguilos e facelos cómplices do seu desvarío.