Universidade española
| Levoo escrito tantas veces que xa o podo recitar de memoria. Agora a OCDE sinala que resulta alarmante que o nivel dos titulados universitarios españoles sexa similar ó dos bachilleres xaponeses. Non nos facía falta o recado, eso sabiamolo ben os que fomos profesores de Instituto. Maravall, Rubalcaba e Marchesi conseguiron que coa súa LOGSE ridícula pasasemos dunha Enseñanza Media excelsa a unha Enseñanza Secundaria patética.Escribino non fai moito. ¿E agora? ¿Corremos a patadas no traseiro ó trío de bobos e a todos os que os sostiveron? ¡Non ho!, aquí o que toca é cristiana resignación. Se nos limitamos a Galicia, a Universidade nai (a de Santiago) quedou preñada e nacéronlle dúas fillas: a Universidade da Coruña e a Universidade de Vigo. Rector x 3 Xestores x 3 Vicerrectores, decanos... x 3 ... Millóns e millóns de euros de todos nós para a Autonomía Universitaria. ¿Quen controla a utilización desa inmensa cantidade de billetes? Ninguén. Daquela haberá que medir o bon uso dese diñeiro polos resultados certificados por institucións independentes e con prestixio: 1. QS World University Ranking das 800 mellores universidades do mundo: 501 - 550 Santiago A Coruña e Vigo non aparecen 2. Times Higher Education, ranking das 400 mellores universidades do mundo: 351 - 400 Vigo Santiago e A Coruña non aparecen 3. Universidade Sanghai Ranking das 500 mellores universidades do mundo: Non aparece ningunha galega. Estes son os feitos. ¿De que maneira se gastan os noso cartos? No seu momento foi noticia e falouse aquí delo, pero a anestesia funcionaba e o saqueo producíase con total impunidade. Salarios no ano 2009 Presidente do Goberno: 91.982 euros/ano Presidente da Xunta: 89.983 euros/ano Universidade de Vigo: Xerente:  Doña Ana Fernández Pulpeiro (que fora Directora Xeral con Touriño + Quintana): 94.000 euros/ano + trienios + chófer que a levaba todos os días desde Santiago (onde vivía) a Vigo. Vicexerentes: 5 que cobraban 74.000 euros/ano cada un. Os gobernantes dunha universidade mediocre cobrando coma se dirixisen Harvard. Salarario Mínimo Interprofesional España (2009): 8.736 euros/ano. A señora Fernández Pulpeiro cobraba máis que Don José Luis Rodríguez Zapatero, máis que Don Alberto Núñez Feijóo... 11 veces o SMI que cobra un obreiro. ¡Que ben vive a esquerda oficial oligárquica! Universalidade Galega: o poema é dunha galega, a música doutro galego e algúns dos que tocan tamén son galegos. |
