De 31 a 1.211

A soberanía popular non se limita a votar cada catro anos. A democracia participativa, a única que pode denominarse democracia, permite que en calquera momento os únicos suxeitos de dereitos que a estructuran, os cidadáns, leven iniciativas populares ó organo de representación máximo que é o Pleno Municipal. Home, podería darse o caso de que nos bancos da Sala de Plenos se sentasen as mentes máis lúcidas, ponderadas e respetadas deste pequeno concello. Pero aínda así, eses sabios estarían dispostos, por selo, a escoitar as razóns de outros tan interesados coma eles polo benestar dos seus veciños. É a humildade e o xesto tranquilo, que asoma naqueles ós que a experiencia lles ten demostrado que o saber queima as cellas e xenera dioptrías, o que escasea nos que nos gobernan. Algúns deles pensan que os votos dos veciños lles dan uns conocementos e unha capacidade de discernimento en temas sobre os que nunca elaboraron a mínima reflexión. Unha persona humilde e preocupada por aprender é capaz facerse cos mecanismos pouco a pouco. Os que deciden equivocadamente e se manteñen nos seus erros aínda cando a cidadanía lles fai saber o que opina,pacífica e respetuosamente, deberían dedicarse a outra profesión. Para esta non están capacitados. Despreciaron a, según eles, 31 veciños que se preocuparon polos seus dereitos. E agora os 31 multiplicaronse por 40, e 1.211 veciños de Betanzos, maiores de edade, facendo uso dos dereitos constitucionales puxeron a sua firma e o seu DNI debaixo do Manifesto que lles pego: SRA. ALCALDESA PRESIDENTA DO CONCELLO DE BETANZOS Os abaixo firmantes, veciños do barrio Ánxeles-Cruz Verde e cidadáns de Betanzos que circulamos por esas rúas Manifestamos 1. Que a nova ordenación do trafico na rúa Ferradores provócanos graves perxuicios á hora de acceder ás nosas vivendas e locales comerciales, debido a que se nos obriga a circular por rúas moi estreitas, con moita pendente e con xiros que en moitas ocasións requiren facer maniobra. Por non falar dos escalóns cos que nos atopamos no recorrido. 2. Que a nova ordenación do tráfico na rúa Ferradores provócanos graves perxuicios ó impedir o acceso ó barrio de vehículos de tonelaxe medio tales coma os camións de reparto. 3. Que a nova ordenación supón un perigo para os peatóns que transitan entre os Soportales e o Casco Histórico, e para a xuventude que en días festivos e fins de semana ten no entorno da Fonte de Unta o seu lugar de esparcemento. 4. Que apoiamos coa nosa firma ós veciños que se opoñen a unha decisión tomada por vostede a espaldas de todos nós, despois de manifestarlle a todos aqueles que solicitaron información que o trafico non sufriría variación. Polo que solicitamos que • Cumprindo coa obriga inherente ó seu cargo de facilitar a vida e o desenvolvemento da actividade comercial de todos os cidadáns, proceda a iniciar os trámites necesarios para que se poda circular nos dous sentidos pola rúa Ferradores, tal e coma se viña facendo desde tempo inmemorial. • Instámola tamén a que faga que se cumplan as Ordenanzas Municipales no relativo ó estacionamento de vehículos nas rúas do barrio. Betanzos, marzo de 2010 Unha vez máis aflora o único camiño que nos pode transformar nun sitio distinto. Ser esa pequena cidade, capitalidade dun pequeno concello, na que as súas xentes empezan a pensar que a capacidade de decidir non é algo que se lles concede cada catro anos senon que ven de serie con cada un dos cidadáns empadronados. Sucede que a deixamos podrecer, aínda que para exercitala non sexa preciso nin o máis leve aceno de violencia, como acaba de suceder. ¡É a maravillosa sensación de sentirse libre e dono do teu destino! Aínda que algúns nos chamaron pelagatos ó pensar que eramos poucos. ¿1.211 pelagatos? ¿Non será que os pelagatos sonos eles? ¿E agora? Por tratarse o tema que nos ocupa, escoitei hoxe a parte do Pleno na que se debatía unha moción do PSOE coincidente con esta reinvindicación veciñal. Sendo como son un dos 31 pelagatos, debo agradecer o apoio de PSOE e BNG á nosa iniciativa popular. Dos que aprobaron a modificación e non son capaces de rectificar, pouco que comentar. O PP parece non estar disposto a disculparse por mentirlle os veciños e pola nota de prensa publicada. Calan e repiten ridículos argumentos sobre Seguridade Vial que ningún técnico na materia se atrevería a mencionar. En canto a un partido que leva por nome Cidadáns por Betanzos, nota de prensa aparte, o ridículo non pode ser máis elocuente: Dinlle o PSOE que votarán a favor da súa proposta sempre e cando eliminen o punto que trata da doble circulación por diante dos Soportales. Cuestión a favor da cal, según vemos, 1.211 betanceiros poñen a súa firma. ¿A que cidadáns representarán estes Cidadáns? Cando terminei de cear, puxen de novo a radio no momento no que o Portavoz de CxB acusaba ó BNG de estar próximo ó PP. Apaguei tan rápido que case chimpo o aparato da cima do mueble no que estaba. ¿Terá efectos alucinóxenos o barrón de café con leite e pan que viña de comer?